NIMELIONA JENGO NITALIZUNDUA

Tarehe iliyowekwa: June 17th, 2024

Kiongozi wa mbio za Mwenge wa Uhuru Kitaifa Ndg.Godfrey Mnzava baada ya ukaguzi wa miundombinu na nyaraka amefanya uzinduzi wa jengo la mama na mtoto katika Hospitali ya mji Njombe (Kibena).

Mradi huo umegharimu  jumla ya fedha  shilingi 173,333,350.00 ambapo kiasi cha shilingi 150,055,000.00 ni fedha kutoka Serikali kuu(TASAF), 16,342,000.00 ni  Mapato ya ndani ya Halmashauri, 3,570,000.00 michango ya Wananchi na Ofisi ya Mkuu wa Wilaya Njombe ilifanya harambee na kupatikana kiasi cha shilingi 3,200,000.00.

Lengo la Mradi huo ulioibuliwa na wananchi  ni kuboresha mazingira ya Wodi ya akina mama ambayo awali hayakuwa mazuri kwa afya na ustawi wa mama na mtoto wakati wa kujifungua hususani watoto wanaozaliwa kabla ya wakati  (watoto njiti).

Takwimu zinaonyesha kuwa tangu huduma zianze kutolewa mwezi Januari 2024, Jumla ya wakimama 1069, watoto wachanga 1046  na watoto njiti 53 wamepatiwa  huduma.

Mbio za Mwenge wa Uhuru Kitaifa mwaka 2024 zinaongozwa na kaulimbiu isemayo "Tunza mazingira na shiriki Uchaguzi wa Serikali za mitaa kwa Ujenzi wa Taifa Endelevu"